Mer benotze Cookien - Se hëllefen eis, fir däin Hattrick-Erliefnes ze verbesseren.
Andeems de eise Site benotz, akzeptéiers de datt mer Cookien op dengem Apparat setzen an drop zougräifen.

Frëndschaftsmätscher

Wann s de net an der Coupe spills, sinn Trainingsmätscher ëmmer eng Optioun, fir all denge Spiller Training op der richteger Positioun ze ginn. Oft gi se benotzt, fir d'Spiller aus der Reserve spillen an trainéieren ze loossen, mä et kann och eng gutt Manéier sinn, fir nei Formatiounen an Opstellungen ze testen an ze trainéieren. Oder firwat net däi beschte Kolleg fir e Match ëm d'Éier erausfuerderen?

E Frëndschaftsmatch kréien

Deen einfachste Wee, fir e Frëndschaftsmatch ze fannen, ass fir deng Équipe op de Wulldësch op der Säit fir d'Fuerderungen ze stiechen. Wiel d'Zort vum Match an vum Géigner aus, wéi s de et gären häss, an dono gëtt um Wulldësch automatesch eng Équipe fonnt, déi op deng passt, an e Frëndschaftsmatch arrangéiert (soubal eng Équipe fonnt gëtt, déi Critèrë gesat huet, déi op deng Critèrë passen).

Soulaangs de aus der Coupe bass, an net schonn e Frëndschaftsmatch hues, kanns de jiddereen erausfuerderen, dee selwer nach kee Match huet. E puer Équipë kanns de vläit awer net erausfuerderen, dat ass dann, well déi an hiren Astellungen uginn hunn, datt se et net wëllen, oder well se hir Manager-Lizenz nach net gemaach hunn.

All deng Fuerderungen (dozou gehéieren och déi vun aneren Équipen) ginn op der "Fuerderungen"-Säit gewisen. Soubal e Frëndschaftsmatch arrangéiert gouf, gëtt de Match an dengem Spillplang ënner "Aktuell Mätscher" annoncéiert an du kanns wéi gewinnt deng Équipe opstellen.

Saisonpaus Frëndschaftsmätscher

Während de Woche 15 a 16 vun der Saison kenns de Frëndschaftsmätscher um Weekend spillen, wann se sech net mat engem Relegatiounsmatch iwwerschneiden.

Während der Zäit wäert d'Fuerdere vun engem Frëndschaftsmatch e bësschen anescht oflafen. Wann s de eng Fuerderung mëss, geet en Drop Down op an du kënns auswielen op et fir e Frëndschaftsmatch an der Mëtt vun der Woch oder um Weekend ass.

D'Fënster fir d'Fuerderunge vu Weekend Mätscher, egal op international oder national, wäert tëschent Méindes 6:00 Auer a Freides 23:59 Auer sinn.

Zorte vu Frëndschaftsmätscher

Et ginn zwou Zorte vu Frëndschaftsmätscher: normal Frëndschaftsmätscher a Frëndschaftsmätscher am Coupe-Modus. Mat dem Coupe-Modus gëtt et eng Verlängerung (a vläicht och en Eelefmeterschéissen), wann et no den éischten 90 Minutten nach e Remis ass.

International Frëndschaftsmätscher

Du kanns wielen, ob s de wëlls auswäerts spillen, oder awer du invitéiers eng Équipe aus engem anere Land an däi Stadion. Wann s de auswäerts spillt, wäert de Match zu deem Ament lassgoen, wou d'Mätscher an deem Stadion normalerweis ufänken. Spills de zum Beispill a Portugal, fänkt de Match mëttwochs zu där Zäit un wou normalerweis d'Frëndschaftsmätscher a Portugal gespillt ginn, also mëttwochs um 21:45 Auer MEZ.

Wou och ëmmer denger Équipe hir Rees higeet, wäert se ëmmer dënschdes um 18:00 Auer MEZ fortfueren an donneschdes um 8:00 Auer MEZ heemkommen. International Frëndschaftsmätscher musse schonn dënschdes um 18:00 Auer MEZ arrangéiert sinn a virum Retour vun denger Équipe donneschdes ka guer keen neie Frëndschaftsmatch arrangéiert ginn. Wann deng Équipe keen internationale Frëndschaftsmatch gespillt hues, kann s de en internationale Frëndschaftsmatch scho vun 6:00 Auer MEZ un um Donneschdeg arrangéieren.

All Rees an d'Ausland kascht dech 6 000 US$, mä dofir komme bei internationale Frëndschaftsmätscher tendenziell méi Spectateuren.

Verschiddenes

D'Zuel vun de Spectateuren ass an engem Frëndschaftsmatch natierlech däitlech méi kleng wéi an engem Flichtmatch. Frëndschaftsmatscher am Coupe-Mods zéie méi Spectateuren u wéi normal Frëndschaftsmätscher a bei internationale Frëndschaftsmätscher kommen der nach méi kucken.

D'Selbstvertrauen an d'Équipestëmmung ginn net beaflosst, an och net d'Supporter an hir Stëmmung. Nëmme well et Frëndschaftsmatch ass, heescht dat net, datt sech d'Spiller manner verletzen.

Mätscher op neutralem Terrain

Wann e Frëndschaftsmatch sou soll gespillt ginn, datt keng vun den Équipe en Heemvirdeel kritt, da kanns de en neutralen Terrain wielen. Gëtt awer an engem Stadion an denger eegener Regioun gespillt, kriss de ëmmer nach den Heemvirdeel (souguer wann s de als Auswäertséquipe do stees). De Stadionbesëtzer kritt keng Suen aus de Recettë vu sou Frëndschaftsmätscher ze gesinn.

All Match géint eng auslännesch Équipe gëtt als internationale Frëndschaftsmatch betruecht, egal wou gespillt gëtt.

 
 
Server 096