Mer benotze Cookien - Se hëllefen eis, fir däin Hattrick-Erliefnes ze verbesseren.
Andeems de eise Site benotz, akzeptéiers de datt mer Cookien op dengem Apparat setzen an drop zougräifen.

Hëllef »   Handbuch »   Tournoien 

Tournoien

Tournoie sinn den alternative Compétitiounssystem fir Hattrick-Équipen. Du kanns an enger offizieller Leeder-Compétitioun dobäi sinn an de "Chef vum Schantjen" ginn, oder bei Tournoie matmaachen, déi vu Manageren organiséiert ginn.

Du kanns iwweregens ëmmer nach all Woch normal Frëndschaftsmätscher spillen, souguer wann s de an engem Tournoi spills.

Eegen Tournoien

Du muss Gold, Platin oder Diamand Supporter si fir en Tournoi organiséieren ze kënnen. Als Net-Supporter kanns de just erweidert Tournoien organiséieren. Den Organisateur décidéiert, wéivill Équipë matspille kënnen, den Numm, wéi eng Coupe geholl gëtt a wéini d'Mätscher gespillt ginn. Dono kann hien Équipen op den Tournoi alueden. Gold a Platin Supportere kënne gratis matspillen. De Rescht muss zwee Credits bezuelen, fir kënne matzemaachen. Diamant Supportere kënnen an engem "einfachen" Tournoi a bis zu 10 Tournoie gläichzäiteg spille mat der Optioun "erweidert" a brauche keng Credits ze bezuele fir matzemaachen.

Den Tournoi fänkt automatesch u soubal e voll ass an e kritt och e Forum. Sollt den Tournoi 72 Stonne virum éischte Match nach net voll sinn, gëtt en ëm eng Woch no hanne geréckelt.

Mätscher aus dem einfachen Tournoi ginn eemol pro Woch gespillt, an zwar all Méindeg, während Mätscher aus dem erweiderten Tournoi zu all Zäit an der Woch gespillt kenne ginn.

Leederen

Däin Zil ass et, fir op déi héchste Plaz vun enger Leeder ze komme a "Kinnek vun den Terrainen" ze ginn, an dono soulaang wéi méiglech uewen ze bleiwen. Fir an der Leeder uewen unzekomme muss de Équipen erausfuerderen, déi iwwer der an der Leeder stinn, fir deenen hir Plaz an der Leeder kënnen anzehuelen.

Regele fir Fuerderungen

Vun denger Positioun op der Leeder hänkt of, wéi eng Veräiner s de erausfuerdere kanns.

  • Pos. 1-5: Kënnen nëmme vun der Équipe just ënnert hinnen an der Leeder erausgefuerdert ginn.
  • Pos. 6-15: Kënne vun Équipen erausgefuerdert ginn, déi eng bis dräi Plazen ënnert hinne stinn.
  • Pos. 16-99: Kënne vun Équipen erausgefuerdert ginn, déi eng bis zéng Plazen ënnert hinne stinn.
  • Pos. 100-199: Kënne vun Équipen erausgefuerdert ginn, déi eng bis fofzeg Plazen ënnert hinne stinn.
  • Pos. 200-1000: Kënne vun Équipen erausgefuerdert ginn, déi eng bis honnert Plazen ënnert hinne stinn.
  • Pos. 1000-5000: Kënne vun Équipen erausgefuerdert ginn, déi eng bis 500 Plazen ënnert hinne stinn.
  • Pos 5000+: Kënne vun Équipen erausgefuerdert ginn, déi eng bis 1000 Plazen ënnert hinne stinn.

Wien erausfuerdert bezilt fir de Match an d'Équipe, déi erausgefuerdert gëtt, akzeptéiert automatesch d'Erausfuerderung. De Match gëtt an de 24 Stonnen no der Erausfuerderung gespillt.

Wiessel vun der Positioun nom Match

Wann s de eng Équipe erausfuerders a gewënns kriss de där Équipe hir Plaz. D'Équipe, déi erausgefuerdert ginn ass, verléiert eng Plaz (dat zielt och fir all d'Équipen déi an der Leeder tëschent deenen zwou Équipë stinn).

Beispill: D'Équipe A ass op der 54. Positioun a fuerdert d'Équipe B eraus, déi op der 47. Positioun ass. Wann d'Équipe A gewënnt, kritt se der Équipe B hir 47. Positioun. B gëtt dann op déi 48. Positioun gesat, d'Équipe op der 48. Positioun gëtt op déi 49. Positioun gesat, d'Équipe op der 49. Positioun gëtt op déi 50. Positioun gesat, a sou weider.

Wann s de eng Équipe erausfuerders a verléiers, behale béid Équipen hir Plaz.

Zäitlech Limitë fir Fuerderungen

Wann s de erausgefuerdert gi bass, kanns de an den 12 Stonne laang net vun aneren Équipen erausgefuerdert ginn (ugefaange mat dem Ufank vum Match). Doduerch kriss de d'Méiglechkeet, fir selwer Équipen erauszefuerderen an d'Leeder eropzeklammen.

Wann s de eng Équipe erausgefuerdert hues, kanns de während 12 Stonne laang keng aner Équipe méi erausfuerderen (ugefaange mat dem Ufank vum Match). Doduerch kréien aner Veräiner d'Méiglechkeet, fir dech erauszefuerderen. Domat kann och en Szenario évitéiert ginn, an deem d'Équipe op der zweeter Positioun ëmmer direkt d'Équipe op der éischter Positioun erausfuerdert an et domat der Équipe op der drëtter Positioun onméiglech mécht, fir d'Équipe op der éischter Plaz erauszefuerderen an hir Plaz anzehuelen.

Du kanns iwweregens och déi Équipe, géint déi s de just gespillt hues, 24 Stonne laang net erausfuerderen.

Tournoismätscher (Leederen an anerer)

D'Mätscher ginn op neutralem Terrain gespillt an d'Spectateur bezuelen näischt fir d'Entrée (de Fanclub vum Veräin kritt duerch Tournoismätscher och keen zousätzlechen Zoulaf).

All Tournoismätscher benotzen déi selwecht Match-Donnéeë wéi déi normal Mätscher. Denge Spiller hir aktuell Form, Fäegkeeten, Erfahrung, Verletzungen, asw. um Dag vum Match gi benotzt. Et ginn zwou Ausnahmen: d'Équipestëmmung (an d'Selbstvertrauen) sinn op e feste Wäert fixéiert an d'Kaarte fonctionnéieren anescht. Méi Detailer dozou fënns de ënnendrënner.

Keng Effekter nom Match

D'Tournoismätscher hunn nom Match keen Effet op deng Équipe oder deng Spiller. D'Spiller kréie keen Training a keng Erfahrung duerch dës Mätscher, d'Mätscher hunn och keen Effet op d'Routine mat de Formatiounen, op d'Équipestëmmung an esou weider.

Detailer

Hei ass eng Lëscht vun all den Detailer, déi s de iwwer Tournoismätscher kenne muss:

  • Équipestëmmung: D'Équipestëmmung ass fir d'Tournoismätscher op engem festen Niveau (relativ frou).
  • Selbstvertrauen: D'Selbstvertrauen ass fir d'Tournoismätscher op engem festen Niveau (wonnerbar).
  • Verletzungen: An den Tournoismätscher ginn et keng Verletzungen, allerdéngs kënne Spiller, déi am "normalen" Hattrick verletzt sinn, och bei Tournoien net matmaachen.
  • Kaarten (eegen Tournoien): D'Tournoien hunn hiren eegene Kaartestatus, an e komplett anere System fir Giel a Rout Kaarte wéi am "normalen" Hattrick. Eng Kaart, déi een an engem Tournoi kritt huet, zielt nëmme fir déi Mätscher, déi zu deem Tournoi gehéieren. Sollt e Spiller eng Rout Kaart am normalen Hattrick hunn, kann hien ouni Problemer an engem Tournoi matspillen.
  • Kaarten (Leederen): D'Kaarten ziele guer net an de Leederen.
  • Training: D'Spiller kréien duerch d'Tournoismätscher keen Training.
  • Erfahrung: D'Tournoismätscher ginn de Spiller keng Erfahrung.
  • Formatiounen: Deng aktuell Routine mat enger Formatioun am "normalen" Hattrick gëtt och fir d'Tournoismätscher benotzt. Allerdéngs kanns de mat Tournoismätscher net d'Routine mat enger Formatioun verbesseren.
 
 
Server 095