Mer benotze Cookien - Se hëllefen eis, fir däin Hattrick-Erliefnes ze verbesseren.
Andeems de eise Site benotz, akzeptéiers de datt mer Cookien op dengem Apparat setzen an drop zougräifen.

De Match: Spezialtaktiken

An all Match kanns de denger Équipe soen, datt se soll eng Spezialtaktik spillen. All Spezialtaktik huet e Virdeel, mä awer och en Nodeel - wiel se also mat Virsiicht. Et si sechs Spezialtaktiken (an déi normal Taktik) disponibel. Wann s de keng Spezialtaktik astells, spillt deng Équipe "normal".

Taktesch Fäegkeet

Wéi gutt deng Équipe eng Taktik kann, hänkt vun der taktescher Fäegkeet fir déi Taktik of. D'Berechnung vun dëser Fäegkeet baséiert op de verschiddene Fäegkeete vun de Spiller mat engem Bonus fir d'Erfahrung vun all eenzelne Spiller, dee concernéiert ass.

Wéi gutt deng Spezialtaktik ass, hänkt dovun of wéi gutt d'Spiller um Terrain sinn. Wat d'Spiller um Terrain besser sinn, wat s de eng besser taktesch Fäegkeet brauchs, fir datt d'Taktik d'selwecht gutt wierkt. An der Praxis heescht dat, datt s de an enger méi héijer Divisioun och e besseren takteschen Niveau brauchs wéi an enger méi déiwer Divisioun.

Pressen

Wann deng Équipe presse soll, heescht dat, datt deng Spiller Drock op dem Géigner seng Spiller maachen. Se maachen éischter en Effort, fir dem Géigner seng Attacken ze zerstéieren, wéi selwer unzegräifen. Pressen ass eng gutt Taktik, wann s de d'Gefill hues, datt deng Équipe ënnerleeën ass an s de de Schued kleng hale wëlls.

Virdeel: Du kanns d'Zuel vun de méigleche Chancen (fir béid Équipen) an engem Match verklengeren.

Nodeel: D'Konditioun vun denge Spiller wäert méi schnell erofgoe wéi normal.

Relevant Fäegkeeten: D'Zomm vun de Verteidegungs- an de Konditiounsfäegkeete vun all denge Feldspiller bestëmmt d'Stuf vun der taktescher Fäegkeet "Pressen". Wann e Spiller "duerchsetzungsstaark" ass, gëtt seng Verteidegungsfäegkeet zweemol gezielt. Wat deng Spiller méi midd ginn, wat se manner gutt Drock op hire Géigner kënnen opbauen.

Wéini och ëmmer eng méiglech Chance vun enger Équipe, déi presst, zerstéiert gëtt, kënnt dat an de Rapport vum Match stoen. Du wäers ni erausfanne kënnen, wéi eng Équipe vun dëser Chance hätt kënne profitéieren. Wa béid Équipë pressen gëtt den Effet, am Duerchschnëtt, verduebelt.

Konteren

Konteren heescht dem Géigner fräiwëlleg d'Kontroll iwwer de Ball ze iwwerloossen a ze versichen, fir e Konter ze lancéieren, soubal et deenen net geléngt, fir eng Attack mat Succès zu Enn ze bréngen. Ze Konteren ass eng gutt Optioun, wann s de eng ganz gutt Verteidegung an e ganz gudde Stuerm ze bidden hues (awer nëmmen e schlecht Mëttelfeld), ganz besonnesch a Kombinatioun mat enger schlechter Attack beim Géigner.

Virdeel: Du kanns zousätzlech Attacke kréien (du hues d'Chance, fir Konterattacken ze lancéieren, wann deng Verteidegung eng Attack vum Géigner gestoppt huet).

Nodeel: Du verléiers 7% vun denge Mëttelfeldfäegkeeten.

Relevant Fäegkeeten: D'Zomm vun de Passpill- an de Verteidegungsfäegkeete vun all denge Feldspiller bestëmmt d'Stuf vun der taktescher Fäegkeet "Konteren". Passpill ass duebel sou wichteg wéi Verteidegung.

Nëmmen déi Équipe déi d'Mëttelfeld net dominéiert zum Zäitpunkt vun enger Attacke, déi net zu engem Goal ginn ass, kann d'Virdeeler vun dëser Taktik benotzen (du muss iwweregens d'Mëttelfeld fir d'éischt verléieren, déi 7% taktesch Strof op d'Mëttelfeld ginn eréischt dono applizéiert). Wann s de d'Mëttelfeld dominéiers, kriss de just d'Nodeeler ze spieren. All Konterattacke kommen an de Rapport vum Match stoen.

Attack iwwer d'Mëtt

Iwwer d'Mëtt unzegräifen heescht, datt deng Équipe sech op Attacken iwwer den Zentrum vum Terrain konzentréiert, an dofir manner op Attacken iwwer d'Säiten. Anescht gesot heescht dat, datt s de Attacken iwwer d'Säiten géint Attacken iwwer d'Mëtt ëmtauschs.

Virdeel: Aus ronn 15-30% vun dengen Attacken iwwer d'Säite ginn Attacken duerch d'Mëtt.

Nodeel: Deng Verteidegung op de Säiten (béide Säiten) gëtt e bësse méi schlecht.

Relevant Fäegkeeten: D'Zomm vun de Passpillfäegkeete vun all denge Feldspiller bestëmmt d'Stuf vun der taktescher Fäegkeet "Attack iwwer d'Mëtt".

All Kéier, wann eng Attack vun de Säiten iwwert d'Mëtt riwwerwiesselt, gëtt dëst am Rapport vum Match ugewisen.

Attack iwwer d'Säiten

"Attack iwwer d'Säiten" fonctionnéiert genee wéi "Attack iwwer d'Mëtt", just ëmgekéiert; dat heescht also, datt s de Attacken iwwer d'Mëtt géint Attacken iwwer d'Säiten ëmtauschs. Well normalerweis manner Attacken iwwer d'Mëtt wéi iwwer d'Säite lafen, kanns de prozentual gesi méi Attacken iwwer d'Säiten ëmtauschen.

Virdeel: Aus ronn 20-40% vun dengen Attacken duerch d'Mëtt ginn Attacken iwwer d'Säiten.

Nodeel: Deng zentral Verteidegung gëtt e bësse méi schlecht.

Relevant Fäegkeeten: D'Zomm vun de Passpillfäegkeete vun all denge Feldspiller bestëmmt d'Stuf vun der taktescher Fäegkeet "Attack iwwer d'Säiten".

All Kéier, wann eng Attack vun der Mëtt op d'Säite riwwerwiesselt, gëtt dëst am Rapport vum Match ugewisen.

Kreativ spillen

Kreativ spillen heescht, datt d'Spiller probéieren, méi aus hire Spezial- a sonstege Fäegkeeten erauszehuelen.

Virdeel: Du erhéichs déi maximal Unzuel vu Spezialevenementer am Match - fir béid Equipen, mä fir deng Equipe ginn et liicht méi grouss Chancen fir een ze kréien (positiv oder negativ).

Nodeel: Denger Équipe hir Verteidegung gëtt e bësse méi schlecht.

Relevant Fäegkeeten: D'Spezialtaktik "kreativ spillen" fuerdert vun denge Feldspiller héicht Passspill an Erfarung (dat éischt ass méi wichteg). Wann e Feldspiller dozou onberechenbar ass, da gëtt säin Afloss op d'Taktik verduebelt. Fir se gutt anzesetzen ass unzerode fir d'Équipe op Spezialevenementer ze optiméieren (also vill Spiller mat Spezialfäegkeeten an déi richteg Kombinatioun vu Fäegkeeten).

Wäitschëss

Mat der Wäitschëss-Taktik kréien deng Spiller d'Uerder, fir virun allem op laang Schëss ze setzen amplaz eng Attack komplett duerchzespillen. Anescht gesot heescht dat, datt Attacken duerch d'Mëtt an iwwer d'Säiten a Wäitschëss ëmgetosch ginn. Bei engem Wäitschoss steet dee Spiller, dee schéisst, dem Goalkeeper géinteniwwer. Dat kann nëtzlech sinn, wann et der schwéier fällt, fir iwwer d'Mëtt oder d'Säiten unzegräifen, mä awer uerdentlech Spiller do sinn, déi schéisse kënnen.

Virdeel: Duerch d'Wäitschëss-Taktik gi bis zu ronn 30% vun de Chancen iwwer d'Mëtt an d'Säite zu Wäitschëss konvertéiert.

Nodeel: D'Attack iwwer d'Flilleken an d'Mëtt, an och d'Mëttelfeld, leiden e bëssen ënnert der Taktik.

Relevant Fäegkeeten:Denge Feldspiller hir Buteurs- a Strofstéissfäegkeeten bestëmmen d'Stuf vun der taktescher Fäegkeet "Wäitschëss". Buteur ass dräimol sou wichteg wéi Strofstéiss.

Gouf aus enger Attack e Wäitschoss, huet eng Équipe, déi d'Spezialtaktik Pressen benotzt, eng Chance, fir de Schoss ze stéieren. Gëtt de Schoss awer net schonn direkt gestéiert, kënnt e Feldspiller zum Zoch (fir zentral Mëttelfeldspiller a Banden ass d'Wahrscheinlechkeet duebel sou héich, datt se un d'Rei kommen), fir de Schoss duerchzeféieren. D'Qualitéit vum Schoss hänkt vun de Fäegkeete Buteur a Strofstéiss vum Spiller of, dee schéisst. Dono kann de Goalkeeper probéieren, fir de ze paréieren, andeems e seng Fäegkeete Goalkeeper a Strofstéiss benotzt. Souwuel fir dee Spiller dee schéisst wéi och fir de Goalkeeper zielt: vun all Fäegkeet gëtt e bëssen eppes gebraucht, an et ass besser, fir vun all Fäegkeet e bëssen eppes ze hunn, wéi virun allem vun enger vill.

All d'Wäitschëss stinn am Rapport vum Match, och déi Chancen, déi zerstéiert goufen.

 
 
Server 096