Mer benotze Cookien - Se hëllefen eis, fir däin Hattrick-Erliefnes ze verbesseren.
Andeems de eise Site benotz, akzeptéiers de datt mer Cookien op dengem Apparat setzen an drop zougräifen.

Spiller: Fäegkeeten

All Spiller huet 8 Haaptfäegkeeten an et ginn nach e puer Faktoren, déi hir Perfomance a verschiddene Situatiounen beaflossen. Kucke mer eis fir d'éischt emol déi verschidde Fäegkeeten un:
Konditioun: Se décidéiert wéivill vu senge Fäegkeeten e Spiller am Laf vum Match verléiert.
Spillmaacher: Et ass d'Fäegkeet fir de Ball ze kontrolléieren a Chancen ze generéieren.
Buteur: De Ball soll an de Filet goen.
Bande: D'Fäegkeet fir Goalchancë mat Aktiounen iwwer d'Säiten ze kréinen.
Goalkeeper: De Ball soll net an den eegene Filet goen.
Passpill: Spiller, déi wëssen, wéini se eng entscheedend Passe spille sollen, sinn eng grouss Hëllef fir de Stuerm vun enger Équipe.
Verteidegung: D'Fäegkeet fir Attacke vum Géigner ze stoppen.
Strofstéiss D'Resultat vun de Fräistéiss an den Eelefmetere hänkt dovun of, wéi gutt de Strofstouss-Spezialist Strofstéiss schéisse kann.

Wéi gutt ass däi Spiller

Am richtege Liewe soe mer, datt e Spiller nawell "e gudde Stiermer" ass oder "e super Verteideger", wa mer e spille gesinn. Bei Hattrick musse mer dat och maachen, wa mer Spiller beschreiwe wëllen. Mer benotzen Dénominatiounen (an net nëmme fir Spiller); fir d'Spiller-Fäegkeet geet et vun "inexistent" bis "gëttlech". Du kanns all d'Dénominatiounen an der Annexe nobliederen.

Verschidde Spiller brauche verschidde Fäegkeeten

Net all Spiller mussen an alle Fäegkeete gutt sinn, mä Konditioun ass fir all Spiller wichteg.  Heiansdo geet et duer, wann e Spiller nëmmen an enger Fäegkeet gutt ass, mä et ass méi profitabel, wann e Spiller an e puer Fäegkeete gutt ass.  Wéi eng Fäegkeeten (ausser Konditioun) fir e Spiller wichteg sinn, hänkt vu senger Positioun um Terrain of:

Goalkeeperen:

Goalkeeper ass natierlech fir d'Goalkeepere wichteg. Se profitéieren och vun der Fäegkeet Verteidegung, während d'Fäegkeet Strofstéiss hëlleft fir sech besser géint Fräistéiss an Eelefmeteren ze wieren.

Zentral Verteideger:

Verteideger sollen natierlech vill Verteidegung hunn. Spillmaacher ass fir se och wichteg an hir Fäegkeet Passpill hëlleft hinnen immens vill, wa se a Konterattacke verwéckelt sinn.

Ausseverteideger:

Verteidegung ass natierlech och hei déi wichtegste Fäegkeet. Se profitéieren awer och vill vun der Fäegkeet Bande. Mat Spillmaacher kënne se och e bëssen eppes ufänken a Passpill hëlleft bei Konterattacken.

Zentral Mëttelfeldspiller:

Gutt Spillmaacher am zentrale Mëttelfeld ze hunn ass fir vill Équipen de Schlëssel zum Erfolleg. Déi Spiller benotzen och vill hir Fäegkeeten am Passpill souwéi an der Verteidegung an och zum gudden Deel am Buteur.

Banden:

Natierlech profitéieren déi dovunner, datt se an der Fäegkeet Bande gutt sinn, mä Spillmaacher ass och wichteg. An da kënne se och nach Passpill a Verteidegung gutt gebrauchen.

Stiermer:

Hir éischt Prioritéit ass et, fir Goaler ze schéissen, wat heescht, datt se mol virun allem Buteur mussen hunn. Passpill ass och vill wäert, genau wéi Bande oder Spillmaacher.

Ännerunge bei de Fäegkeeten

D'Fäegkeeten ännere mat der Zäit. All d'Fäegkeete kënnen ëmmer am Liewe vun engem Spiller mat Training verbessert ginn. Wann d'Spiller awer méi al ginn, fänke se un, fir e bësse vun hire Fäegkeeten ze verléieren. Am Kapitel "Training" steet alles iwwer d'Ännerunge bei de Fäegkeeten.
 
 
Server 081